ice cream

مرحبا ...
أدري تأخرت كثييير بتنزيل المواضيع ...
وبسبب الفوتوشوب .. 
بس يالله اليوم جلست العب فيه وعرفت شويات ..


الموهم اشوف هالأيام الناس هابين في باسكن baskin robbins ومحلات CupCake
ان شاء الله الايام الجاية بنزل وصفات لـ كب كيك والحين نجي للمهم  ice cream
انا بصراحه بس مرة جربت باسكن ومن زماااان كان قبل الزواج وقبل وقبل كنا طالعين مع عم انا وبنت عمي يمكن تذكر
ومن بعدها مااذكر جربته  ومارح اقول انو وصفتي مثل باسكن تماما لا انا احلى بكثيييير >>> ياواثق


الصورة كثيييرة والكلام كثييير لاني كاتبه بالتفصيييل لكن الوصفة سهلة جدا جدا 
نبدا بصوره تشويقيه ..

المقادير والطريقة مع بعض 
//صفار 3 بيضات
//كاس حليب سائل والافضل بالفانيلا
//2كاس كريمه خفق..>> اللي بالصورة على جهة اليسار
//كاس قشطه كي دي دي قيمر (علبة كبيرة)
//ملعقه صغيرة فانيلا
//ثلاث ارباع كاس سكر مطحوون (بودرة)

نخلط الحليب والفانيلا والكريمه ونسخنهم على النار>> بس يسخن مو يغلي
ونخفق البيض والسكر مع بعضهم ..
بعد مايتسخن الحليب نضيفه له خليط البيض والسكر على النار
ونخفقه بالخفاق اليدوي ..
فقط يتسخن ويغلي غليه وحده .. انتبهو لا يطوول ويخرب الشغله كلبوها ..ونحطه بعلبه بلاستيك
وندخله الفريزي ربع ساعه ..
موقلت لكم بسيط خخخخ لسا ياحلوات الشغله مطووله
بعد مايبرد نطلعه.. ونضيف له قشطه كي دي دي..ونخفقه بالخفاق الكهربائي لمده 10 دقائق
ونرجعه للفريز.. لمده يوم كامل..
ترى اذا عندك آلة الآيس كريم ماتحتاجين هالحوسه 
أنا قسمت الخليط جزأين الأول خليته سادة بدون إضافات والثاني كسرت معاه بسكويت نيو نفس أوريو بالضبط 
انا بالنسبة لي نيو افضل بسرعة يذوب 

المرحله الثانيه..
نجهز مقادير صوص الجوز المتكرمل<<على كيفها تسمي
//نص كاس جوز البقان مجروش .. واذا مو متوفر استخدموا عين الجمل بس مارح يعطي نفس النتيجة
//نص كاس سكر بني .. إذا مو متوفر استخدمي السكر العادي بس قبل ذوبيه مع ملعقة كبيرة ماي لين يصير لون ذهبي
// ربع اصبع زبده 
يذووب الجوز مع الزبده ثم يضاف اليه السكر حتى يصير مثل الكراميل..
ونخلطه مع نص كوب توفي..
للامانه انا طلع عندي قاسي حبتين ..ورحت حطيته بكيس ودقيته شوي تفتت 

 

 بعد مأضفت التوفي >>>>

في فرق بين الصورتين
المرحله الثالثه..
مقادير التوفي
//قشطه  دافيه ..محطوطه بمادافي
//ربع كاس ماء..
//كاس سكر..
//ملعقتين زبده..
نحط السكر والماء على النار بدرجه حراره عاليه ونحركه ..
اذا بدى يشقر نظيف له القشطه والزبده ونحركهم بسررعه قبل يتكتل ..
وانعمي باحلى توفي عرفته بحياتي
الحين كيذاخلصنا..الحمد لله على السلامه
اذا جيتي تطلعين الايسكريم (السادة )اليوم الثاني..اخلطيه بالخلاط او الخفاق وارجعي حطي طبقات
من الايسكريم والجوز والتوفي ورجعيه لفريز شوي عشان يتماسك
وانتهينا..

 

 أيسكريم الأوريو 

الايسكريم السادة ماخلطته كله بالتوفي خليت منه جزأ وحطيت معه لون أحمر وقطع فراولة 
ماتذكرت اصوره الا بعد ماذوبته > مثل الأطفال مااحب آكله الا بعد مااذوبه 
حتى الفراولة سبحت 

 طبعا تقدري تضيفي شكولاه بودرة وتضيفي معه قطع من اي شكولاه تحبيها .. 
وتقدري تضيفي الوان ثانية مثل الازرق والاصفر انتي وإبداعك ...


صحة