بروستد سمك

مرحبا 

اليوم وصفتنا غييير ... لذييذة بشكل مو طبيعي خاصة للي يعشقون السمك ..

اقولكم القصة ....

يوم الثلاثاء كنت مشتهية آكل سمك .. انا وزوجي اصلا كنا طالعين الصباح 

لازم السؤال : أنا :وش مشتهي تاكل ع الغدا؟ عشان إذا في شي ناقص اقولك تجيبه 

زوجي : اللي انتي تبيه ..>>مايغير إجابته

أنا: جيب سمك .....(رحنا عند محل السمك) وشرايك تجيب سمك فيليه؟؟

زوجي : كيف يعني فيليه ... يعني شفت الدجاج اللي بدون عظم ..كذا السمك الفيليه بدون شوك .. 

وفعلا جابه 

جا وقت الغدا وماعرفت وش اسوي فيه وشلون اطبخه .. جات على بالي فكرت البروستد وجربتها وياااي 

مااتوقعتها كذا اهم شي مدح زوجي ..خخخخ

المهم القصة ترى طوييييلة قدن قدن بس يعني انا اختصرتها في كلمتين>> كل هذا وتقول كلمتين ...

المقادير:

سمك فيليه مقطع مكعبات أوشرائح 

للتتبيلة .(خل أوليمون ملعقة كبيرة ، بهار سمك ، بهار مشكل ، ثوم بودرة ، كمون ، ملح ) واذا تحبي الحار اضيفي فلفل أسود

للتغطية (طحين مخلوط مع ملعقة صغير من بهار سمك وبهار مشكل)

الطريقة: 

بعد ماتغسلي السمك وتنظفيه زين تبليه واتركيه على الاقل ساعه كامله في الثلاجه 

 بعدين غطيه بالطحين من جميع الجهات 

بعدها اغليه لين ياخذ اللون الذهبي ..

وقدميه .. 

ممكن تقدميه في سانويش مع خيار وطماط ومايونيز وممكن بطاطس

انا قدمته مع  رز وبطاطس وكاتشب

شوفي كيف من برا مقرمش ومن الداخل طري 

صحة وهنااا ..