CupCake

يسعد صباحكم / مساءكم

بالخير والمسرات ..

{ بما اني من عشاق الكب كيك وتزيينه .. حبيت اقدم لكم شغله بسيطه عن تزيين الكب كيك ..

واكيد بلمساتكم انتم بتكوناروع واروع ..

~ ~ ~ ~ ~ ~

نبدأ اولا ً بــ

مقادير الكب كيك :

بالخلاط :

3 بيضات

علبة زبادي

نص كوب زيت

كوب ونص سكر

فانيلا

اخلطيهم ثم صبيهم على { كوبين طحين + 2 ملعقه صغيره باكنج بودر + 4 ملاعق كبيره كاكاو بودره }

واخلطيهم ثم ع طوول صبيهم في قوالب الكب كيك بعد ماتلبسيها بالبليسيه

صبي الخليط في علبة عشان يسهل عليك التعبئة في القوالب

ودخليهم الفرن لحد ما تنضج ..

~ ~ ~ ~ ~ ~

بعد مايجهز الكب كيك ..

وقبل لا نزينها لك الحريه بين امرين :

1- تحشينها بالنوتيلا ..

2- تخليها ساده وعلى طووول تزينين وجهها بالكريمه ..

اذا اخترتي الخيار الاول ..

تحتاجين قبل التزيين .. تحشين الكب كيك

*_ بواسطه قمع طويل او طرف ملعقه خشبيه نظيف نحاول نخرم وسط الكب ونحرك الطرف اللي داخل بالكب يمين ويسار << عشان يكون عندنا جوا الكيك مكان للحشوه

ثم بقمع الحلويات نحشي الحفره اللي علمنا بالنوتيلا << ونحرص ان الحشوه تدخل داخل الكب .. << يارب فهمتوا _ *

~ ~ ~ ~ ~ ~

{ طريقة كريمة التزيين _ سهله وبسيطه لابعد درجه _

المقادير :

500 غرام سكر بورده ..موضروري 500 

(انتي حطي على كيفك يعني درجة الحلا اللي تحبيها  يعني كاسين او اكثر او اقل براحتك )

اصبعين زبده _ بحراره الغرفه _

ملعقتين كبيره فانيلا سائله << لازم تكون سائله

4ملاعق كبيرة حليب سائل << واذا حبيتها اكثر دسامه استبدلي الحليب بكريمه الخفق

الطريقه ..

نخفق الزبده والفانيلا لحد ماتكون مثل الكريمه ويفتح لونها ..

ثم نضيف نص كميه السكر + الحليب ، ونستمر بالخفق

ثم اخيراً نضيف باقي كميه السكر .. 

** ملاحظه : اذا حسيتها ثقيله اضيفي قطرات من الحليب .. واذا حسيتها خفيفه هم اضيفي سكر ..

_ راجع لرغبه كل وحده و ذوقها في الكريمه تبيها ثقيله ولا خفيفه_

والحين صارت الكريمة جاهزه وباقي الزينه .. 

{ تزين الكب كيك ..

الزينه تختلف من مناسبه لـ مناسبه .. ومن ذوق لـ ذوق .. 

عن نفسي سويتها فرفوشيه .. وبنفس الوقت نااااعمه << كنت مسويتها لحفله

|| الألـــوانــ الــفــرفــوشــيــهـ ||

قسمت الكريمهـ البيضاء لخمسة اقسام ..

القسم الأول : الكريمه الحمراء ..

استخدمت الوان الطعام (احمر) + الكريمه الأساس (بيضاء ) = ومزجتهم

والنتيجه ..

القسم الثاني : الكريمة الصفراء ..

مثل ماسويت بالحمراء لكن استبدلته بالاصفر

والنتيجه ..

طبعا سويت حجمين من كل الالوان 

الحجم الكبير لنا والصغير للأطفال

القسم الثالث : الكريمه الخضراء ..

والنتيجه .. 

هنا كنت ناويه ع اللون السماوي لكن ماتوفر فاستخدمت الاصفر مع الاخضر 

والنتيجة

القسم الرابع : كريمة الشوكولاته ..

هذي تختلف عن اللي قبل ,, لانك اذا اضفتي النوتيلا بتكون ثقييييييييييله حييل فـبتحاجين لقطرات إضافيه من الحليب السائل

وزينتها بسكر بودرة

القسم الخامس والأخير ..

خليته سااااااادهــ يعني بيضاء (بالفانيلا )..

وزينتها بشكولاته بودرة

النهاية 

هذي الطريقة أخذتها من الاخت  Miss.Malath

يارب تجربوها وتعجبكم ...